Framsíða


Framsíða	Um Kyndil	Viðtøkur	Hagtøl	Slóðir	Stuðlar
4. mars 2010 Gentur 17 hava eisini vunnið greipuna Nú hava trý lið hjá Kyndli í ungdómsdeildini vunnið bæði steypakappingina og landskappingina. Í gjárkvøldið var dystur ímillum Neistan a og Neistan b hjá gentum 17, har Kyndil hevur ligið á odda í alt ár. Um Neistin b vann dystin, var greitt, at Kyndil gjørdist føroyameistari. Og Neistin b vann við trimum málum á Neistanum a. Sostatt kunnu hvørki Neistin a ella Neistan b koma fram um Kyndil, sum spælir seinasta dystin ímóti VÍF í Vestmanna leygardagin. Geir Wardum hevur vant gentur 17, og hann hevur sostatt hálað tvær greipur heim til felagið í ár, tí hann venur eisini gentur 12, sum vunnu greipuna farna vikuskifti. Dreingir 17, sum Hjalmar Klein Olsen venur, eru eisini greipuvinnarar. Spælararnir, sum manna gentur 17, hava gjørt fleiri góð hál í bæði landskapping og steypakapping, síðan tær spældu við gentum 10. Liðið spælir sera væl, tá tað spælir best, men hevur eisini havt avbjóðingar í ár, serliga ímóti liðunum hjá Neistanum. Nakrar av gentunum á liðnum royndu seg á besta kvinnuliðnum hjá Kyndli í ár. M.a. vóru bæði 14 og 15 ára gamlar gentur á liðnum við til at vinna á Sunset-liðunum hjá Neistanum og VÍF í steypakappingini.
Kyndil ^. Gundadalsvegur 2 ^. 100 Tórshavn ^. tlf. 310641 ^. webmaster@kyndil.fo