 |
|||||
|
6.
september 2009 Kappingin byrjar Sunnudagin 27. september byrjar landskappingin í hondbólti, bæði hjá kvinnum og monnum. Tíverri hava vit einki liðí Sunset deildini í ár, men í Atlantic Airwyas kappingini hava menninir, sum áður nevnt her á síðuni, sett sær tað málið, at teir ætla sær at vera við í stríðnum um heiðursmerkini. Og tað stríðið byrjar í høllini á Hálsi móti StÍF av Strondum. Hinir dystirnir henda sama dagin eru H71 – Neistin í Hoyvíkshøllini og KÍF-VÍF í høllini í Kollafirði. Kyndil hevur leikt 5 venjingardystir í avgust mánað. Tann seinasti var móti VÍF seinasta vikuskifti, og hann vunnu vit 22-21. Venjingardystir skulu sjálvsagt takast fyri tað, ið teir eru, men ein sigur á vestmenningum er nú ikki heilt av leið. Í onkrum av hinum dystunum hevur somuleiðis gingið væl. Tað er spennandi at síggja menninar venja, tí teir leggja nógv fyri, og tað er týðiligt, at teir meina tað í álvara. Høgni er byrjaður at venja aftur, hóast hondin ikki enn er sum hon var, og tað skilst á øllum brøgdum, at Janus Einar kortini tekur eitt tørn aftrat. Møguliga verður onkur annar í hópinum eisini, - onkur sum kann gera mun! Vit gleða okkum til 27. september, tá
ið lagt verður til brots. |
|||||
|
Kyndil . Gundadalsvegur 2 . 100 Tórshavn . tlf. 310641 . webmaster@kyndil.fo |
|||||