Kyndil bloggur

VB vann 29-26 í Vági

Fri, 17 Feb 2012 23:18:00 GMT

Kyndilskvinnur vóru í kvøld aftanfyri 16-10 í hálvleikinum, og nakað inn í seinna hálvleik fór VB framum heili 22-14. Men so svaraði Kyndil aftur og kom upp á 22-21. Eftir hetta fylgdust liðini, til VB at enda fór framum við trimum málum og vann 29-26. Ikki so galið at skjóta 26 mál í Vági og koma so væl aftur í seinna hálvleiki. Málið nú er at vinna 4. plássið í minsta lagi. Málskjúttar í kvøld: Randi 6, Ásleyg 5, Guðrið 4, Turið 3, Birita 3, Anja 2, Bjarta 1, Annika 1 og Anna 1

les meira

Her eru allir gull- og silvurvinnararnir

Wed, 15 Feb 2012 12:03:00 GMT

Kyndil hevði seks lið við í Coca Cola-finalunum farna vikuskifti, og okkum eydnaðist at vinna fýra teirra. Hetta var tað mesta í kappingini, og sjálvandi var frøin stór um bæði gullmerkini og góðu avrikini hjá silvurvinnarunum. Her eru myndir av øllum teimum, sum vóru við á stóra finaludegnum

les meira

Kyndilskvinnur vunnu 38-22 á Tjaldri

Tue, 14 Feb 2012 21:42:00 GMT

Ongin slingur var í valsinum, tá kyndilskvinnur vitjaðu Tjaldur í Runavík í kvøld. Kyndil vann 38-22 og hevur nú 15 stig á fjórða plássi. Á triðja plássi er VB við 20 stigum, og næsta dyst spæla okkara ímóti VB í Vági. VÍF er á fimta plássi við 12 stigum og einum dysti færri enn Kyndil

les meira

KÍF vann 23-21 á Kyndli

Tue, 14 Feb 2012 20:02:00 GMT

Undanfarnar dystir hetta kappingarárið hevur KÍF vunnið við tólv og átta málum á Kyndli. Soleiðis var ikki í mansdystinum í kvøld í Kollafirði. KÍF vann 23-21 eftir hálvleiksstøðuna 11-9 til Kyndil. Ein sløk byrjan upp á seinna hálvleik kostaði ov nógv at enda, men kyndilsmenn góvust ongantíð á hondum, og tí var úrslitið eitt stig rætta vegin ímóti kollfirðingum, hóast tað onki munaði á stigatalvuni. Næsti dystur er ímóti TEAM Klaksvík í Havn. Tá fara vit eftir sigrinum. Málskjúttar í kvøld vóru: Miroslav 8, Julian 5, Andreas 2, Høgni 2, Ludvík 2, Rógvi 1 og Hans Arni 1

les meira

Kyndil vann aftur flestar finalusigrar

Sun, 12 Feb 2012 20:58:00 GMT

Aftur í ár vann Kyndil flestar finalusigrar í steypakappingunum hjá teimum yngru. Kyndil vann í gjár og í dag fýra av tilsamans níggju finalum. H71 vann tvær, Neistin eina, VÍF eina og Tjaldur eina. Hetta er triðja árið á rað, at Kyndil vinnur mest í Coca Cola-kappingini hjá teimum ungu

les meira

Kyndil vann finaluna í dreingir 18

Sun, 12 Feb 2012 10:46:00 GMT

Eftir finalurnar hjá kvinnum og monnum í gjár var steypafinala millum 18 ára gomlu dreingirnar hjá Kyndli og H71. Her vann Kyndil 27-22. Hálvleiksstøðan var 15-14 til Kyndil. Úrslitið í ár var júst tað sama sum í fjør, tá dreingir 17 hjá Kyndli vunnu 27-22 á Neistanum í finaluni

les meira

Øll finaluliðini til døgurða hjá PM

Fri, 10 Feb 2012 10:24:00 GMT

Eins og undanfarin ár fara liðini hjá Kyndli at fyrireika seg væl áðrenn steypafinalurnar sunnudagin. Døgurði og taktikkfundir verða hjá Poul Michelsen heilsølu við Hoyvíksvegin. Fyrsti døgurðin verður kl. 11.00, og tann næsti verður kl. 13.30

les meira

Stórur harmonikudansur í høllini á Hálsi

Thu, 09 Feb 2012 12:31:00 GMT

So er at pussa sær dansiskógvarnar og venja ræddarbondini, tí leygarkvøldið 25. februar skipar Kyndil fyri stórum harmonikudansi í høllini á Hálsi. Kvøldið byrjar kl. 20.00, tá Tres Amigos fara at spæla undir til felagssang. Heili átta orkestur fara at spæla til stóra dansin

les meira

Kvinnur og menn vunnu á StÍF

Tue, 07 Feb 2012 23:21:00 GMT

Í kvøld vunnu bæði kvinnur og menn hjá Kyndli á StÍF á Hálsi. Kvinnurnar vunnu 26-14 eftir 13-5 í hálvleikinum. Ivi var ongantíð um sigurin. Verjuspælið var sera gott, Tomma stóð aftur sera væl, og Turið drønaði nógvar bóltar í málið eftir skjótálop. Flott liðavrik annars. Málskjúttar: Turið 9, Annika 5, Anja 5, Randi 2, Guðrið 2, Birita 2 og Bjarta 1. Menninir vunnu 24-22 eftir hálvleiksstøðuna 13-8. Í seinna hálvleiki var støðan eina løtu 20-13, men so vendi alt, og StÍF kom upp á 20-19. Tá táttaðu okkara í, og sigurin varð fingin í hús. Nógv varð brent, og sigurin kundi verið væl størri, men óført var at vinna aftur. Málskjúttar: Ludvík 7, Miroslav 6, Andreas 5, Høgni 3, Hans Arne 2 og Frank 1

les meira

Kyndil í seks steypafinalum

Sat, 04 Feb 2012 20:14:00 GMT

Hetta vikuskiftið hevur verið spælt um at sleppa í ungdómsfinalurnar í steypakappingini, sum verða í høllini á Hálsi sunnudagin 12. februar. Greitt er nú, at Kyndil verður sera væl umboðað, tí felagið fekk seks av sjey liðum við í finalurnar. H71 hevur eisini seks lið við

les meira